Buhay Kasalan

Napag-uusapan na naman ang kasalan. Nagplaplano na rin kasing magpakasal ang best friend ko this year with her current boyfriend. Naalala ko pa nung sinabi sakin ng best friend ko na hindi pa siya magpapakasal. Kailangan daw stable muna sila bago lumagay sa tahimik. Pero eto na nga at napag-uusapan ang kasalan.

Marami na rin akong nasaksihang kasalan at buhay ng mga ikinasal. Mga kaibigan, kamag-anak at kapamilya. Lahat sila may kanya-kanyang kwento. Ibat-ibang pakikipagsapalaran sa buhay. Ngunit ang bawat isa ay nagsasabing hindi madali ang buhay pag-aasawa. Hindi ko alam kung talagang mahirap ang buhay sa panahon ngayon o sadya lang hindi madali ang bumuo ng sariling pamilya. Pero ang alam ko hindi madali ang buhay kahit anong daan pa ang ating tahakin. Lahat may kanya-kanyang pagsubok. May kanya-kanyang kwento. Masaya man o malungkot ang bahagi nito isa lang ang sigurado, tayo ang gumagawa nang sarili nating kwento. Lahat naka depende sa mga desisyong ating bibitiwan. Tayo ang nagpapatakbo ng sarili nating buhay.